Press "Enter" to skip to content

Arnasketa: ireki itzazu zure arnasguneak

 

Postura: zutik edo eseria; begiak irekirik.

Kontzientzia:

  • Sentitu nola sartzen eta ateratzen den arnasa gorputzetik.
  • Kontaktuan egon hiru dan tianekin: zilaren azpian, plexuan eta bekainen artean.

  • Kontzientea izan zure barneko eta kanpoko arnasketaz: hala kemenaren nola gorputz-ehunen gora eta beherako mugimenduez.
  • Antzeman zein diren tentsiopean edo itxirik dauden gorputz-atalak.
  • Hamar minutu inguru eman horrela hats hartzen.

 

Ekintza:

  • Presioa, sabelaldean:
    • Arnasa botatzean, egin presio txiki bat bi-hiru hatzekin sabelaren beheko aldean, hezur pubikoaren eta zilaren artean.
    • Hats hartzean, laskatu presioa modu progresiboan (gero eta presio txikiagoa sentituz).
    • Gero, jarri bi eskuak zilaren gainean, eta aurrekoan bezalaxe jokatu: presioa egin arnasa botatzean, presioa laskatu (geldi-geldi) hats hartzean.
    • Sentitu nola hasten den zabaltzen beheko arnasgunea.
  • Presioa, saihets-aldean:
    • Jarri eskuak goiko saihetsen gainean, gorputzaren bi aldeetan.
    • Arnasa botatzean, egin presio txiki bat barrurantz.
    • Hats hartzean, laskatu eskuek egiten duten presioa, eta sentitu nola zabaltzen diren saihetsak.
    • Beheko saihetsak ez daude loturik bularrezurrari; hori dela-eta, modu librean mugi eta zabal daitezke (saihets-hezur lokak deitzen dira). Eta saihets-hezur loka horien zabaltzeari esker lortzen dute birikek arnasgune osoa irekitzea.
  • Presioa, plexu solarrean:
    • Aurrekoetan bezala jokatu arnasa botatzean eta hats hartzean, eta sentitu nola zabaltzen den sabelaren goiko aldea.
  • Presioa, bularrezurrean edo esternoian:
    • Aurrekoetan bezala jokatu arnasa botatzean eta hats hartzean. Hasi presionatzen bularrezurraren beheko aldean eta, pitteka-pitteka, goraka joan. Egongune bakoitzean hainbat aldiz hats hartu eta bota.
    • Behar den denbora hartzen baduzu, eta lasaitasunez egiten baduzu, sentituko duzu nola hasten diren zabaltzen eta malgutzen zenbait arnasgune.
  • Egin berriz ibilbide osoa: sabelaldea, bular-kutxa (saihets-hezurraren gainean eta tartean), sorbaldak…

 

Kontuan hartu beharrekoak:

  • Har ezazu behar den denbora.
  • Hobe da egunero 15/20 minutuz ibiltzea aste batez, saio bakar batean aurreko guztia egiten saiatzea baino.

 

Be First to Comment

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

%d bloggers like this: